EL SONÍU DE LO COTIDIANO , INSTRUMENTOS SOSTENIBLES NA TRADICIÓN ASTURIANA
21/Mar/2026 17:00 h.
Esti conciertu-taller propón un percorríu musical y educativu pela creatividá popular asturiana al traviés de los instrumentos musicales sostenibles. A partir de la tradición oral y rural d’Asturies, amuésase cómo l’inxeniu del pueblu tresformó oxetos cotidianos como botelles, morteros, cuyares, sartenes, tables de llavar… n’auténticos instrumentos musicales.
Esta actividá establez un paralelismu ente esa reutilización tradicional y la reutilización moderna de materiales reciclaos, amosando que la sostenibilidá y la música pueden dir de la mano. Asina, preséntense exemplos actuales de instrumentos construyíos con materiales reciclaos: xiblates de tubu de PVC, panderos con papel film, gaita con fuelles de guantes de goma, gaites de “payines de refrescu”, instrumentos de percusión con botelles o caxes de pizza, ente otros.
Al rematar l’actividá, los/as participantes entenderíen cómo la música puede surdir de cualquier oxetu cotidianu, amosando una mirada más creativa, ecolóxica y sensible escontra la cultura tradicional y el mediu ambiente.
C. Luis Moya Blanco 261
Periurbano – Rural,
33203 XiXón, Asturies
