Biografía

David Varela Blanco (Xixón 1975)

Músicu por tradición familiar, entama de bien rapacín en Llinguaxe Musical y Cantu, colos maestros Enrique M. Somohano y Manuel López Cano, nel antiguu Atenéu Obreru de La Calzada, Xixón. Adiéntrase nel mundu de la percusión tradicional asturiana a mediaos de los años 80, encamináu pol so hermanu, el gaiteru Juan Carlos Varela y de manes de Manuel Durán, tamboriteru ya instructor de percusión, col que collabora darréu en delles formaciones musicales, como Banda Gaites y Tambores de Lleoriu, Cuerpu de Tambores Tambor de L´Abadia , Grupu Folk Lliberdón , Banda Gaites La Viga Travesá, ente otres. Coles mesmes y de forma autodidacta, empecipia col acordión cromáticu que llueu sustituyiría pol acordión diatónicu, afondando nel so aprendizaxe de manes de los espertos maestros como Alain Pennec, Xuan Nel Expósito y Bruno le Tron, ente otros.

Tres d’algamar el sofitu del Taller de Músicos de la Fundación Municipal de Cultura, Educación y Universidá Popular (Xixón), en 1993, consolida´l su grupu Folk Llaimo y prosigue la so andadura en formaciones tales como’l Grupu Folk-Rock Folkgando, Grupu folk Merlín, LA BANDINA , bandines tradicionales como Sones Vieyos, Los LLanzones, Ciquitrinos, L’Esturbín, El koku la mazana, Zapica, De mandilín, en dúo con Anabel Santiago, El Carreru y Blanco, etc. asina como collaborador habitual de formaciones de divulgación ya investigación de música y baille tradicional de Asturies, como MUYERES, Escontra ´l Raigañu, Na Señarda, Vezos Ástures, L’Excelsior, etc. colos que tamién participa na programación y realización d’actividaes alredor de la identidá cultural asturiana. Con estes formaciones y tamién como músicu solista, actuó en Festivales per toa Europa.

Anguaño, amás de conciertos en solitariu, clases maxistrales ya innumberables collaboraciones, ye integrante del cuartetu La Bonturné; en dúo con Alicia Álvarez, interpreten grandes ésitos de l’autora como Kikirikikí, Cantares pa neñes y neños, o Pulgarina, de la Editorial La Fabriquina; ye músicu del triu Llueñe que lidera la cantante Alba Gutiérrez, acompaña al grupu PETIT POP y apocayá foi músicu habitual nos directos del grupu Baxel, de la banda qu’acompañaba al dúo Pauline en la playa, o a la cantante Marisa Valle Roso. Nel espectáculu de narración Fierro, Carbón y Metralla, propuesta de la Editorial Hoja de Lata, encárgase de musicar en directu los testos del autor, Francisco Álvarez.

Na so trayectoria, tien participao en numberoses producciones de Teatru y Video pa Javier Lueje, Produciones NUN TRIS, Compañía OLGA CUERVO, FACTORIA NORTE , ANA MORÁN Teatru y Cuentacuentos , Teatro MARGEN, TEATRO DEL CUERVO, SALTANTES Teatru, ente otres.

Académicamente, tamién ta tituláu pela Escuela Técnico-Profesional Fundación Revilla-Gigedo de Xixón, como Maestru Industrial (Técnicu Especialista en Construcciones Metáliques, Calderería en Chapa y Calderería Estructural), lo que deriva na so faceta artesanu musical, trabayando dende va años na construcción, restauración y arreglu d’instrumentos de percusión; especialmente tambores tradicionales asturianos.

Dende va años ye collaborador nuna sección selmanal el programa La Radio es Mía, de la radio autonómica RPA, conducíu primeramente pol periodista Pachi Poncela y anguaño por Inés Paz.

EXPERIENCIA LLABORAL NA DOCENCIA MUSICAL

Dende l’añu 1998 ye profesor de Percusión Tradicional, Tambor Asturianu y Bodhram, na Escuela de Música Tradicional Asturiana “La Quintana”.
Dende l’añu 2005 ye profesor d’Acordión Diatónicu, Llinguaxe musical y Conxuntu instrumental, na Escuela Municipal de Música del Ayuntamiento de Tinéu.
Dende l’añu 2006 n’andecha cola Banda Gaites “Marino Tapiega” dirixe dellos cursos d’Acordión Diatónicu que se imparten en Tapia, con motivu del Festival Intercéltico de Occidente.
Dende l’añu 2006 n’andeha cola asociación “Escontra’l Raigañu”, de la que ye sociu componente, conduz los Talleres de Instrumentos Tradicionales, que se imparten, ente otros, dientro’l programa añal “Xuntas d’ Escolinos” Avilés y Comarca.
Dende l’añu 2007 ye profesor d’Acordión Diatónicu na Escuela de Música Tradicional Asturiana La Quintana
Dende l’añu 2009 foi profesor de Tambor Asturianu, Percusión Tradicional y Acordión Diatónicu na Escuela Municipal de Música de Nava, hasta 2021, n’onde amás exerció de Director, demientes los cursos 2018/19 y 2019/20.
Dende’l cursu 2010 al 2014 collaboró como monitor na seción de música tradicional, n’Academia de Música “Ars Nova”, de Xixón.
Dende’l cursu 2014 hasta 2021, foi profesor de Percusión Tradicional, Tambor Asturianu y Acordión Diatónicu, na Escuela de Música Tradicional Asturiana “A Mansalva”.
Dende’l cursu 2017 ye profesor d’Acordión Diatónicu, na Escuela Municipal de Música de Cangas del Narcea.
Dende 2014 formó parte del Xuráu que concede’l Premiu de Percusión Tradicional “Manegueru de Nava”, xunto con un avezáu grupu d’expertos y mayestros de percusión.
Dende 2015 dirixe y produz los espectáculos “Los viaxes del Ratu Roller”, “Vamos pal bail.le con La Bonturné”, “Cuentos en cantadores”, “Restolando” y “El Conciertín”, pa espardir llingua y cultura asturiana, ente’l públicu infantil.
Dende 2023 ye monitor de los talleres musicales del programa RUTAS CIENTÍFICAS, ARTÍSTICAS Y LITERARIAS, que financia el MINISTERIU D’ EDUCACIÓN, FORMACIÓN PROFESIONAL Y DEPORTES del Gobiernu d’España.

CURSOS DE PERFECIONAMIENTU

Cursu de Técnica Básica de Caxa y Tambor Asturianu, impartíu por Manuel Durán y entamáu pol Taller de Músicos de la Fundación Municipal de Cultura, Educación y Universidad Popular (Xixón 1994).
Técnica Básica pa Curdión de Botonera, con Xuán Nel Expósito y entamáu pol Taller de Músicos de la Fundación Municipal de Cultura, Educación y Universidad Popular (Xixón 1997)
Cursu d’Armonización pa Música Tradicional Asturiana, impartíu por Ramón Prada y entamáu pol Taller de Músicos de la Fundación Municipal de Cultura, Educación y Universidad Popular (Xixón 1998).
Master Class d’Instrumentos de Vientu Maera, impartíu por Andreas Prittwitz y entamáu pola Escuela de Música de Llaviana, en collaboración col Excmu. Ayuntamientu de Llaviana. (La Pola, Llaviana 2005).
Cursu de Percusión Latina y Batería, impartíu por Fernando Arias García y entamáu pola Escuela de Música de Llaviana, en collaboración col Excmu. Ayuntamientu de Llaviana. (La Pola, Llaviana 2005).
Curso d’Improvisación y Bluess p’Acordión, con Michel MACIAS. Entamáu por Association Ardilla en collaboración con Carma y “TRAD magazine” Les 6èmes rencontres de musique Trad à Saint-Macaire « petite académie de printemps » (ST. Macaire, Francia 2006).
Técnica d’interpretación p’Acordión Diatónicu, con Bruno LE TRON. Entamáu con motivu de 31e rencontres internationale des luthiers et maitres sonneurs de Saint Chartier (La Châtre, Francia 2006)
Master Class d’Acordión Diatónicu, con Alain PENNEC. Entamáu con motivu del Festival Intercélticu de Lorient (Breizh-Francia, 2006).
Cursu d’Interpretación d’acordión diatónicu con Alain PENNEC, impartíu na Escuela Municipal de Música Tradicional “Manolo Quirós” (Uviéu 2007)
Cursu de Fundamentos de Mecánica Acústica y Mantenimientu del Acordión Diatónicu, impartíu pol técnicu en reparación y afinación d’acordiones José María López García, entamáu pola Escuela de Música Tradicional Asturiana Manolo Quirós (Uviéu, 2008).
Técnica d’interpretación e improvisación p’Acordión Diatónicu impartíu por Janick MARTIN y entamáu conxuntamente pola Asociación d’ Etnografía y Folclor Reija de Llangréu y l’ Excmu. Ayuntamientu de Llangréu (Llangréu 2008).
Técnica d’interpretación p’Acordión Diatónicu impartíu por Filippo GAMBETA y entamáu conxuntamente pola Asociación d’ Etnografía y Folclor Reija de Llangréu y l’Excmu. Ayuntamientu de Llangréu (Llangréu 2009).
Cursu de Baxu Eléctricu y armonía moderna, impartíu por CARLOS LAIZ na Escuela de Música ARS NOVA (Xixón, Cursu 2012/2013).
Cursu de Batería, impartíu por Pedro M. Rosas “Peru” n’Escuela Musical Express (Xixón 2014)
Curso de SONÍU Y GRABACIÓN, impartÍu por RUBÉN ÁLVAREZ na Fundación de Música Moderna (Avilés 07/2014)
Curso de Gaita Asturiana, impartíu por FLAVIO BENITO na Escuela Municipal de Música de Nava (Nava, Cursu 2012/2013).
Cursu de GRABACIÓN, POSTPRODUCCIÓN Y MEZCLA D’AUDIU, impartíu por MIGUEL HERRERO n’ESTUDIOS ACME (Avilés, 10/2016 al 1/2017)
Curso Maestru de PANDERETA , impartíu por VANESA MUELA y entamáu pola Escuela de Música “ A Mansalva” . (Llangréu, 04/2017).
Cursu Maestru de “MUSIQUES BRETONNES” con ACORDEÓN , impartíu por RÉGIS HUIBAN y entamáu pola Escuela de Música “ A Mansalva” . (Llangréu, 04/2017).
Taller “La percusión nel ámbito del sonido en directo” impartíu por ARTURO RODRÍGUEZ y entamáu por “Asoc. Memorial Chema Fombona”. (Noreña 2018)
Taller “Historia del tambor asturianu y rudimentos” impartíu por MANUEL DURÁN GARCÍA y entamáu por “Asoc. Memorial Chema Fombona”. (Noreña 2018)
Cursu de “Percusión con instrumentos de cocina” , impartíu por VANESA MUELA y entamáu pola Escuela de Música “ A Mansalva” . (Llangréu, 07/2019).
Cursu de Producción y Mezcla “EQ Sin Límites” impartíu por Pablo Domínguez. 48Tracks (OnLine 3/09/2020).
Cursu de Producción y Mezcla “Compresión Sin Límites” impartíu por Pablo Domínguez. 48Tracks (OnLine 24/09/2020 ).
Cursu/Taller Técnica interpretativa de Percusión Tradicional y su Relación con Repertorios Antiguos”, impartíu por David Álvarez Cárcamo y entamáu pol Taller de Músicos de la Fundación Municipal de Cultura, Educación y Universidad Popular de Xixón (4/07/2021).