Trayectoria artesanal

David Varela ta tituláu pela Escuela Técnico-Profesional Fundación Revilla-Gigedo de Xixón, como Técnicu Especialista en Construcciones Metáliques, Calderería en Chapa y Calderería Estructural, lo que darréu derivó na so faceta d’artesanu musical. 

 Dende l’añu 2015 profesionaliza esta llabor, que llevaba desendolcando dende mediaos de los años 90s, trabayando na construcción, restauración y arreglu d’instrumentos de percusión, pandeiros, panderetes y especialmente tambores tradicionales asturianos.

Amás de trabayar pa grandes percusionistas como Manuel Durán, Antón Barquero, Juanjo Díaz o Pablo Pumarada, tamién tien fecho llabor nel tarrén de la escenografía y la decoración escénica pa teatru y vidio, como’l decoráu del video-clip “Alligator Skin”, de Black Horde, pa Javier Lueje Producciones, o la escenografía “Helados de Cuento” de la Compañía Olga Cuervo Teatru.