Bienllegáu/da a la web de David Varela
Músicu por tradición familiar, David Varela tien una abultable presencia como percusionista tradicional y acordionista dende finales de los años 80. Venceyáu a la música de raigañu dende bien temprana edá, nun foi torga pa la so conexón con otres espresiones, llegando a participar nuna bona montonera de trabayos discográficos d’estremaos estilos, proyectos teatrales y propuestes empobinaes al públicu infantil.
Llaimo, Lliberdón, El Tambor de L’Abadía, Folkgando, La Bandina o La Bonturné, ente munchos otros grupos musicales y compañíes teatrales como Factoría Norte, Teatru del Cuervo o Saltantes Teatru, respuenden a la so premiada trayectoria. Polifacéticu y bien activu, ye un referente n’Asturies tamién pol so ampliu bagaxe como docente y artesanu musical.
Axenda
Anuncies
Guillermo Lourido expón na Galería Félix
Allegrome fondamente’l convite pa que la mió música acompañara una vegada más al inxeniu de Guillermo d’una forma natural, ensin barreres, de la mesma forma na qu’él te dexa ver la so obra: ensin imponer una visión que condicione la tu perspectiva.
La balada del Norte
Dos hores de coreografía milimétrica con música en directu nel qu’una tubería conviértese en contrabaxu, una vieya llechera percútese como una darbouka, un serruchu da voz a la cantante del Teatro Campoamor, el tambor marca la marcha’l tren, la batalla,…
Rutas Científicas, Artísticas y Literarias
Pusimos el ramu a las Rutas Científicas, Artísticas y Literarias, Otoño 2025. Más de centenar y mediu d’escolinos d’ ESO y Bachilleratu, llegaos de Jaén, Burgos, Madrid, Badajoz y Sevilla, participaron durante estes tres selmanes de los conciertos…